Dünya

Suriyaya qaçqın axını artır

15 Dekabr 2024 13:10
Baxış: 1 109
VTB-də minimal faiz dərəcəsi ilə nağd kredit 9.9%-dən

Bəşər Əsəd rejiminin süqutu fonunda Suriyaya qaçqınların axını güclənib. Təkcə dekabrın 9-dan 13-dək Türkiyədən vətənlərinə könüllü olaraq 7621 suriyalı qayıdıb. Bu ilin ilk 11 ayında isə bu göstərici 121 min 695 nəfər təşkil edib.

Milli.Az Trend-ə istinadən xəbər verir ki, bu barədə Türkiyənin daxili işlər naziri Ali Yerlikaya açıqlama verib.

Onun sözlərinə görə, hazırda Türkiyədə Suriyadan olan qaçqınların sayı 2 milyon 938 min nəfəri ötüb, onların əksəriyyəti Hələb vilayətinin keçmiş sakinləridir.

"TRT Haber" telekanalı xəbər verir ki, Hatay vilayətindəki "Cilvegözü", "Yayladağı" və "Zeytindalı" sərhəd keçid məntəqələrində Suriyaya qayıdan qaçqınlardan ibarət uzun növbələr müşahidə olunur.

Eyni zamanda, Türkiyənin xarici işlər naziri Hakan Fidan, Türkiyənin Dəməşqdəki səfirliyinin 12 ildən sonra yenidən fəaliyyətə başlamasını müsbət qiymətləndirib. "Qarşıdakı dövr Suriya üçün çətin ola bilər, lakin Türkiyə Suriya xalqı ilə çiyin-çiyinə dayanmağa davam edəcək," - deyə nazir vurğulayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.