Dünya

"Dünya yeni və böyük müharibənin astanasındadır"

20 Noyabr 2024 16:05

Baxış: 2 266

VTB-də minimal faiz dərəcəsi ilə nağd kredit 9.9%-dən

#DÜNYADA #TÜRKİYƏ #RUSİYA #UKRAYNA

"ABŞ-ın Ukraynaya raket buraxma qərarı düzgün deyil, dünya böyük müharibənin astanasında ola bilər" .

Milli.Az xəbər verir ki, bu barədə Prezident Ərdoğan Braziliyanın Rio-de-Janeyro şəhərində keçirilən G-20 sammitindən qayıdarkən təyyarədə jurnalistlərin suallarını cavablandırarkən deyib.

Aktual mövzulardan danışan Ərdoğan, ABŞ-ın keçmiş prezidenti Co Baydenin raket qərarı ilə bağlı açıqlama verib.

Pentaqon təsdiqlədi - Ukraynaya minalar göndərilməsinə icazə vermişik

Rusiyaya ilk dəfə ATACMS ilə zərbələr endirdilər

III dünya müharibəsi xəbərdarlığı: "ABŞ vəziyyəti təhlükəli edir"

"Hər şeydən əvvəl, bu qərarı düzgün hesab etmədiyimiz kimi, həmçinin də dəstəkləmirik. Ukrayna-Rusiya müharibəsi başlayandan bəri daha çox silah, daha çox qan, daha çox göz yaşı ilə deyil, daha çox sülh səyləri, daha çox xoşməramlılıq və diplomatiya ilə bitə biləcəyini düşünürük. İndi cənab Baydenin bu qərarını müharibəni qızışdırmaq və heç vaxt bitməməsini, hətta yayılmasını təmin etmək üçün bir addım kimi şərh etmək olar. Baydenin bu addımı münaqişənin eskalasiyası ilə yanaşı, həm də Rusiyanın daha böyük reaksiyasına səbəb olacaq. Cənab Putin də ölkəsinin ballistik raketlərlə hücuma məruz qalacağı təqdirdə, nüvə silahı ilə cavab verilməsinə imkan verən doktrinanı təsdiqlədi. Bütün bunlar regionu və dünyanı yeni və böyük müharibənin astanasına gətirə bilər. "Məndən sonra tufan qopsun" anlayışı ilə heç nəyə nail olmaq mümkün deyil", - deyə Türkiyə prezidenti bildirib.

"Bizim gözləntimiz və arzumuz budur ki, Ukrayna və Rusiya tərəfləri təxribatlara uymadan, sakitliyi qoruyaraq, sülhə diqqətlərini cəmləsinlər. Buraxılacaq ən kiçik səhv, təxribatlara qapılmaq barıt çəlləyinə od atmaqdan fərqlənməyəcək. Ona görə də hər kəsə diqqətli davranmağı tövsiyə edirəm", - deyə Rəcəb Tayyib Ərdoğan qeyd edib.

Nərmin Mahmudova
Milli.Az