Dünya

İsrail prezidentinin Bakıya gəlməmə səbəbi təsdiqləndi

18 Noyabr 2024 09:54

Baxış: 904

#DÜNYADA #TÜRKİYƏ #TƏYYARƏ #COP29

Türkiyə İsrail prezidenti Hersoqun Türkiyə hava məkanından istifadə tələbini rədd etdiyini təsdiqləyib.

Milli.Az Türkiyə mətbuatına istinadən xəbər verir ki, İsrail mətbuatında prezident Hersoqun Azərbaycana səfərini "təhlükəsizliklə bağlı narahatlıqlar" səbəbilə ləğv etməsi xəbərindən sonra Hersoqun təyyarəsinin Türkiyə hava məkanından istifadə tələbinin rədd edildiyi məlumatı yüksəkvəzifəli rəsmi şəxslərə istinadən təsdiqlənib.

İsrail Prezidenti COP29-a niyə gəlmədi?

Qeyd edək ki, Anadolu Agentliyinin Türkiyə rəsmilərinə əsaslanaraq verdiyi məlumata görə, İsrail qurumları Bakıda keçirilən COP29 iqlim sammitində iştirakı planlaşdırılan Hersoqun təyyarəsinin Türkiyə hava məkanından istifadəsi ilə bağlı ölkəyə müraciət edib. İsrailin bu müraciəti Türkiyə tərəfindən rədd edilib.

Nərmin Mahmudova
Milli.Az