Dünya

Trampdan seçki günü sürpriz AÇIQLAMA

5 Noyabr 2024 23:13

Baxış: 1 589

VTB-də minimal faiz dərəcəsi ilə nağd kredit 9.9%-dən

#ABŞ

23:13

Seçki günü Donald Tramp gözlənilməz bəyanatla çıxış edərək, tərəfdarlarının səsvermədə yüksək fəallığını vurğulayıb.

Milli.Az lent.az-a istinadən bildirir ki, o qeyd edib ki, seçici həvəsi rekord səviyyədədir və bu, uzun növbələrə səbəb ola bilər.

Keçmiş prezident mümkün gözləməyə baxmayaraq, tərəfdarlarını sona qədər növbədə qalmağa çağırıb. Onun sözlərinə görə, "radikal kommunist" demokratlar seçicilərin buna dözməyəcəyinə və səs vermədən gedəcəklərinə ümid edirlər.

O, qarşıdan gələn qələbəyə əmin olduğunu və tərəfdarları ilə birlikdə Amerikanı yenidən böyük edə biləcəklərini bildirib.

"Nə qədər vaxt aparsa da, səsinizi verməyinizə ehtiyacım var. Növbədə qalın! Radikal kommunist demokratlar sizdən yığışıb evə getmənizi istəyir. Biz birlikdə böyük qələbə qazanacağıq və Amerikanı yenidən möhtəşəm edəcəyik", - o, pərəstişkarlarına müraciətində əlavə edib.

------------
21:32

ABŞ-da Respublikaçılar Partiyasından prezidentliyə namizəd Donald Tramp prezident seçkilərində səs verib.

Milli.Az APA-ya istinadən bildirir ki, CNN-in yaydığı məlumata görə Tramp Florida ştatının Palm-Biç şəhərindəki seçki məntəqəsində şəxsən səs verib.

Qeyd edək ki, bu gün ABŞ-da növbəti seçkilər keçirilir. Seçkilərdə prezident, vitse-prezident, Senatın üçdə biri və Konqresin Nümayəndələr Palatasının bütün üzvləri, həmçinin 11 ştatın və 2 ərazinin qubernatorları seçiləcək.

Respublikaçı namizəd Donald Tramp və ABŞ-ın hazırkı hakim Demokrat Partiyasını təmsil edən Kamala Harris dövlət başçısı postuna iddialıdırlar.

Tramp Amerikanın 45-ci prezidenti olub və 2017-2021-ci illərdə vəzifədə olub. O, 2020-ci il prezident seçkilərində Demokrat Co Baydenə məğlub olub.

Harris isə 2021-ci ilin yanvarından ABŞ-ın vitse-prezidentidir.

Milli.Az
Xəbərlərimizi WhatsApp kanalımızdan da oxuyun