Dünya

"Gürcüstanda səsvermə başa çatıb, lakin seçkilər bitməyib"

28 Oktyabr 2024 19:19

Baxış: 324

#DÜNYADA #HADİSƏ #GÜRCÜSTAN

Gürcüstanda səsvermə başa çatıb, lakin seçkilər bitməyib.

Milli.Az xəbər verir ki, Rusiya Xarici İşlər Nazirliyinin MDBMİ İnstitutunun Beynəlxalq Araşdırmalar İnstitutunun aparıcı elmi işçisi Sergey Markedonov müsahibəsində belə deyib.

"Gürcüstanın Mərkəzi Seçki Komissiyası nəticələri açıqladı və hətta Qərb müşahidəçiləri ölkədə keçirilən seçkilərin legitimliyini tanıdılar, lakin biz görürük ki, bir çox suallar var, xüsusən də müxalifət nəticələrlə razılaşmır. Prezident Zurabişvili insanları küçələrə çıxmağa çağırır. Ona görə də Gürcüstanda seçkilər hələ bitməyib, hadisələrin necə inkişaf edəcəyini proqnozlaşdırmaq çətindir", - Markedonov bildirib.

Qeyd edək ki, oktyabrın 26-da Gürcüstanda keçirilən parlament seçkilərində Gürcü Arzusu Partiyası 53.93 faiz səslə qalib gəlib.

Nərmin Mahmudova
Milli.Az