Dünya

Bu şəxslər axtalanacaq - ABŞ-də qanun təsdiqləndi

7 İyun 2024 12:46
Baxış: 2 730
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ-nin Luiziana ştatında azyaşlılara qarşı cinsi zorakılıq edən və məhkəmənin hökmu ilə təqsiri sübuta yetirilən şəxslərə axtalama cəzasının tətbiq edilməsi təsdiqlənib.

Milli.Az Sfera.az-a istinadən xəbər verir ki, Luiziana ştatı bu qanunla ABŞ-də axtalama cəzasının tətbiq edilməsinə icazə verən ilk ştat olub.

Təsdiqlənmiş qanun layihəsinə əsasən, hakimlər 13 yaşından kiçiklərə qarşı cinsi cinayətlərdə təqsirli bilinən şəxsləri cərrahi yolla axtalama cəzasına məhkum edə biləcəklər. 

Məhkəmə təqsirləndirilən şəxsin İctimai Təhlükəsizlik və İslahlar Departamentinin həkimi tərəfindən həyata keçiriləcək prosedurdan ən azı 60 gün əvvəl axtalanmağa uyğun olduğunu müəyyən etməlidir.

Qanun layihəsinin əleyhdarları onu sərt şəkildə tənqid ediblər. Vəkillik qrupunun Rasional Cinsi Cinayət Qanunları üzrə Milli Assosiasiyanın (NARSOL) mətbuat katibi Sandy Rozek qanunu "barbarlıq" adlandırıb.

Digər tərəfdən, Demokratların nümayəndəsi Edmond Cordan qanun layihəsinin qeyri-mütənasib formada qaradərili kişiləri hədəf alacağını bildirib. 
 

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.