Dünya

Liz Trass Trampı "DƏRİN DÖVLƏT"lə HƏDƏLƏDİ

16 Aprel 2024 19:48

Baxış: 535

#DÜNYADA #ABŞ #DONALD TRAMP #BRİTANİYA

Böyük Britaniyanın keçmiş baş naziri Liz Trass ABŞ prezidentliyinə namizəd Donald Trampa "dərin dövlət"lə bağlı xəbərdarlıq edib.

Milli.Az publika.az-a istinadən xəbər verir ki, bu barədə o, "The Wall Street Journal"dakı köşə yazısında qeyd edib.

"Britaniya bürokratik dövləti mənim təklif etdiyim islahatları alt-üst etdi və onun amerikalı həmkarı Tramp noyabrda qalib gəlsə, onun diqqət mərkəzində olacaq. "Dərin Dövlət" onu ilk dövründə etdiyindən daha çox sarsıtmağa çalışacaq", - Böyük Britaniyanın keçmiş baş naziri bildirib.

Trass deyib ki, mühafizəkar siyasətçilər başa düşməlidirlər ki, seçkidə qalib gəlmək kifayət deyil:

"Qalibin özünü qorumağa meylli olan "dərin dövləti" dağıtmaq üçün ardıcıl plana ehtiyacı var".

Trass 20 oktyabr 2022-ci ildə baş nazir vəzifəsindən istefa verdiyini açıqlayıb. Onun səlahiyyət müddəti Britaniya tarixində ən qısa müddət idi - 49 gün.

Keçmiş baş nazir daha əvvəl vəzifəsindən istefa verməkdə "dərin dövlət" və solçu qüvvələri günahlandırmışdı. Fevral ayında Trass demişdi ki, dünyanın bir çox ölkəsində solçular hakimiyyətə gəldiyi üçün Qərb məhvə məhkumdur. \

"Mən belə qənaətə gəldim ki, mühafizəkarlar yenidən qalib gəlmədikcə və solun ələ keçirdiyi institutları öz üzərinə götürməyə hazır olmasalar, Qərb məhvə məhkumdur", - o qeyd edib.

Donald Tramp 2024-cü ilin noyabrında keçiriləcək prezidentliyə Respublikaçılar Partiyasından namizəddir. Ölkədə siyasətçiyə qarşı bir neçə cinayət işi qaldırılıb: porno aktrisaya rüşvət vermə, gizli sənədlərin qanunsuz saxlanması, həmçinin 2020-ci il prezident seçkilərinə müdaxilə ilə bağlı iki iş.

Milli.Az
Xəbərlərimizi WhatsApp kanalımızdan da oxuyun