Dünya

İrana hücum nəticəsində ölənlərin sayı artdı - YENİLƏNİB

4 Aprel 2024 11:31

Baxış: 2 595

VTB-də minimal faiz dərəcəsi ilə nağd kredit 9.9%-dən

#IRAN

İranda Rask və Çabahar şəhərlərindəki polis məntəqəsinə hücum nəticəsində ölənlərin sayı 23-ə yüksəlib.

Milli.Az oxu24.com-a istinadən xəbər verir ki, bu barədə Sistan və Bəlucistan əyaləti qubernatorunun təhlükəsizlik üzrə müavini Əlirza Mərhəməti bildirib.

Onun sözlərinə görə, daha 10 polis əməkdaşı yaralanıb.

Bildirilib ki, hücumun məsuliyyətini "Ceyş əl-Adl" silahlı qruplaşması üzərinə götürüb.

İRNA-nın məlumatına görə, İnqilab keşikçiləri Qvardiyasının (Sepah) döyüşçüləri ilə qruplaşma üzvləri arasında 10 saatadək atışma olub.

Ölənlər arasında Çabahar polis idarə rəisinin müavini də var.

Silahlı qruplaşma isə Sepahın 200-ə yaxın hərbçisini öldürdüklərinə dair məlumat yayıblar.

--------

07:15

Sistan və Bəlucistan vilayətinin Çabahar və Rask şəhərlərində törədilən terror aktlarında 5 terrorçu zərərsizləşdirilib, 5 təhlükəsizlik qüvvəsi isə həlak olub.

Milli.Az APA-ya istinadən xəbər verir ki, bu barədə "Fars" xəbər agentliyi məlumat yayıb.

Terrorçularla qarşıdurmada Çabaharda bir əsgər, bir Bəsic təhlükəsizlik qüvvəsi, bir mühafizəçi və iki polis ölüb.

Ölənlər arasında Çabahar şəhərinin polis bölməsinin rəis müavini də var.

İndiyədək beş terrorçunun öldürüldüyü təsdiqlənib.

Hazırda Sərbaz, Rask və Çabahar şəhərlərində qarşıdurmalar davam edir və terrorçular təhlükəsizlik qüvvələri tərəfindən tamamilə mühasirəyə alınıb.

Milli.Az
Xəbərlərimizi WhatsApp kanalımızdan da oxuyun