Dünya

“TikTok” istifadəçilərini kədərləndirəcək daha bir xəbər

8 Mart 2024 11:12

Baxış: 982

#MARAQLI #SOSİAL ŞƏBƏKƏLƏR #TİKTOK

May ayında mahnıların çoxu "TikTok"dan silinəcək.

Milli.Az oxu.az-a istinadən xəbər verir ki, bu barədə Milli Musiqi Nəşriyyatları Assosiasiyası (NMPA) xəbərdarlıq edib.

Bildirilir ki, "TikTok"la müqavilə mayın 1-də qüvvədən düşəcək, NMPA yeni lisenziya formalaşdırmaq niyyətində deyil.

Lisenziyanın başa çatması o deməkdir ki, bir çox musiqi trekləri "TikTok"dan yox olacaq.

Qeyd edək ki, NMPA lisenziyasından tanınmış müstəqil sənətçilər də istifadə edirlər.

Bununla belə, sosial şəbəkədən çıxarılacaq musiqilərin miqyası haqqında hələ heç nə məlum deyil.

Təşkilat bildirib ki, yaradıcılar musiqilərini video hostinq üçün lisenziyalaşdırmağı davam etdirmək istəyirlərsə, onlar birbaşa platforma ilə müqavilə bağlamalıdırlar.

Xatırladaq ki, bundan əvvəl dünyanın ən böyük musiqi nəşriyyatına sahib "Universal Music Group" şirkətinin Taylor Svift, Ariana Grande, Jastin Biber, "Coldplay", "The Weeknd", Dreyk və s. treklərini ehtiva edən musiqi kataloqunu "TikTok"dan çıxartdığı barədə xəbər vermişdik.

Milli.Az
Xəbərlərimizi WhatsApp kanalımızdan da oxuyun