Dünya

Uçuş təxirə salındı, aeroportu dağıtdılar - VİDEO

1 Mart 2024 19:10
Baxış: 1 141
VTB-də minimal faiz dərəcəsi ilə nağd kredit 10.49%-dən

"Dana Air" şirkətinin uçuşu ləğv etməsindən narazı olan sərnişinlər Nigeriyanın Laqos şəhərindəki Murtala Muhammed hava limanında terminal infrastrukturunu dağıdıblar.

Milli.Az lent.az-a istinadən bildirir ki, uçuş gözləyən bir qrup şəxs hava limanının işçilərinə hücum edib və avadanlıqları məhv edib.

Uzun müddət gözlədikdən sonra səbri tükənən sərnişinlər personala hücum edərək kompüter avadanlıqlarını dağıtmağa başlayıblar. Vəziyyət o həddə çatıb ki, asayişi bərpa etmək üçün hərbçiləri cəlb etməli olublar. Qadın və digər sərnişinlər baqajlarını almaq üçün gəliş zonasına daxil ola bilməyiblər.

Sosial şəbəkələrdə qəzəbli sərnişinlərin kassa aparatlarını dağıtmasını əks etdirən video yayılıb. Adının açıqlanmasını istəməyən hava limanının əməkdaşı davanı təsdiqləyib və ləğv edilən reysin ilkin olaraq fevralın 11-dən 12-nə təxirə salındığını deyib.

"Dana Air" rəsmi açıqlamasında reysin gecikməsini sərnişinlərin təhlükəsizliyinin təmin edilməsi zərurəti ilə izah edib. Şirkət həmçinin insidentlə əlaqədar təyin olunmuş reysini yerinə yetirə bilməyən bütün sərnişinlərə kompensasiya vəd edib.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.