Dünya

Sabah Macarıstanın XİN başçısı Türkiyəyə səfər edəcək

14 Fevral 2024 22:55

Baxış: 633

#TÜRKİYƏ

Macarıstanın xarici işlər və xarici iqtisadi əlaqələr naziri Peter Siyarto Türkiyəyə səfər edəcək.

Milli.Az report.az-a istinadən xəbər verir ki, bu barədə Türkiyənin Xarici İşlər Nazirliyi məlumat yayıb.

Xarici siyasət idarəsinin mətbuat xidməti bildirib ki, macar diplomatın səfər fevralın 15-də baş tutacaq. Siyarto türkiyəli həmkarı Hakan Fidanla görüşəcək, Türkiyə - Macarıstan İqtisadi və Ticari Birgə Komitəsinin birinci iclasına qatılacaq.

Nazirlər arasında baş tutacaq görüşdə Türkiyə ilə Macarıstan arasında "gücləndirilmiş strateji tərəfdaşlıq" çərçivəsində ikitərəfli münasibətlərin, Türkiyə - Aİ əlaqələrinin və cari regional gedişatların müzakirə olunması nəzərdə tutulur.

Milli.Az
Xəbərlərimizi WhatsApp kanalımızdan da oxuyun