Dünya

NATO Ukraynaya silah tədarükü ilə bağlı siyasətini kökündən dəyişir - KİV

10 Fevral 2024 19:41
Baxış: 693
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

NATO Ukraynaya silah tədarükünün koordinasiyasını öz üzərinə götürməyi planlaşdırır. Baxmayaraq ki, Alyans Kiyevə yardımı həmişə öz proqramı deyil, üzv ölkələrin suveren qərarları və ikitərəfli razılaşmalar məsələsi hesab edir. 

Milli.Az qaynarinfo-ya istinadən xəbər verir ki, bu barədə Almaniyanın "Handelsblatt" qəzeti diplomatik və siyasi dairələrdəki mənbələrə istinadən məlumat yayıb.

"NATO əsaslı kurs dəyişikliyinə başlayır: Qərb müdafiə alyansı Ukraynaya silah tədarükünün koordinasiyasını öz üzərinə götürmək planlarını hazırlayır", deyə məqalədə qeyd edilir.

Bildirilir ki, blokun rəhbərliyi Vaşinqtonda mümkün siyasi dəyişikliklərdən qorunmaq üçün Rammşteyn formatını öz strukturlarına inteqrasiya etməyi məqsədəuyğun hesab edir. Nəşrin yazdığına görə, NATO, ABŞ-ın keçmiş prezidenti Donald Trampın noyabrda keçiriləcək seçkilərdə qalib gələcəyi təqdirdə Vaşinqtonun Ukraynaya silah tədarükünü davam etdirəcəyinə getdikcə şübhə edir.

Qəzet yazır ki, inteqrasiya planının hazırlanmasında ABŞ prezidentinin milli təhlükəsizlik üzrə müşaviri Ceyk Sallivan və Alyansın baş katibi Yens Stoltenberq iştirak edirlər.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.