Dünya

Argentina Prezidenti parlamentdəki uğursuzluqdan sonra iki məmuru işdən çıxarıb

10 Fevral 2024 07:51
Baxış: 370
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Argentina Prezidenti Xavyer Miley islahatlar paketini ehtiva edən qanun layihəsini qəbul etmək üçün uğursuz cəhddən sonra sosial təminat agentliyinin rəhbərini və dağ-mədən departamentinin başçısını işdən çıxarıb.

Milli.Az report.az-a istinadən xəbər verir ki, bu barədə dövlət başçısının mətbuat xidməti məlumat yayıb.

"Prezident Xavyer Miley milli sosial təminat idarəsinin sədri Osvaldo Ciordano və dağ-mədən departamentinin rəhbəri Flavia Royondan istefa ərizələrini təqdim etmələrini istəyib", - məlumatda deyilib.

Hökumət onların yerini kimin tutacağını hələ açıqlamayıb. Mətndə qeyd olunub ki, "miras qalmış iqtisadi böhranı və tarixi anı nəzərə alaraq, dövləti modernləşdirməyə, sadələşdirməyə və debürokratikləşdirməyə sadiq olan məmurlar tələb olunur". Mətbuat xidmətinin məlumatına görə, Miley administrasiyasının üzvləri həm də "argentinalıları insanların aclığı bahasına öz imtiyazlarını saxlamağa çalışanların davamlı hücumlarından qorumalıdır".

Sənəddə Ciordano və Royonun istefasının səbəbi birbaşa göstərilmir, lakin hər iki məmur hakim "Azadlıq gəlir" alyansının vətənə xəyanətdə ittiham olunan qubernatorlarla əlaqəlidir.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.