PUL
.jpg)
.jpg)
ABŞ Dövlət Departamenti Qvatemalanın keçmiş prezidenti Alexandro Cammatteinin korrupsiyada əli olduğuna görə onun ABŞ-yə girişini ləğv edib.
Milli.Az report.az-a istinadən xəbər verir ki, bu barədə Departamentin saytında məlumat verilib.
"Dövlət Departamentində Cammatteinin Qvatemala prezidenti olduğu dövrdə dövlət funksiyalarını yerinə yetirmək müqabilində rüşvət aldığını, qanunun aliliyi prinsipini və hökumətin şəffaflığını pozduğunu göstərən etibarlı məlumatlar var", - açıqlamada deyilir.
Həmçinin qeyd olunur ki, Birləşmiş Ştatlar son üç il ərzində Qvatemalada korrupsiya fəaliyyətləri və ya "demokratiyanı sarsıtmaq" səbəbindən hökumət rəsmiləri, biznes nümayəndələri və onların ailə üzvləri də daxil olmaqla 400-ə yaxın şəxsə viza sanksiyaları tətbiq edib.
Cammattei 2020-2024-cü illərdə Qvatemala prezidenti vəzifəsində çalışıb. Onu bazar ertəsi gecə rəsmi olaraq vəzifəsinin icrasına başlayan Qvatemala Prezidenti Bernardo Arevalo əvəzləyib.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
.jpg)
