Dünya

Britaniya kəşfiyyatı: “Rusiya işğal etdiyi Ukrayna ərazisində daha bir ordu yaradır”

21 Avqust 2023 18:00

Baxış: 990

VTB-də minimal faiz dərəcəsi ilə nağd kredit 10.49%-dən

#RUSİYA-UKRAYNA MÜHARİBƏSİ

Rusiya müharibə reallıqları qarşısında hərbi strukturlarını genişləndirir.

Daha bir yeni birləşmə - 18-ci Əlahiddə Ümumqoşun Ordusu yaradılır.

Milli.Az oxu.az-a istinadən bildirir ki, bu barədə Britaniya Müdafiə Nazirliyi "X" sosial şəbəkəsindəki hesabında məlumat verib.

Xülasədə qeyd edilib ki, hərbi birləşmə hazırda Xerson vilayətində fəaliyyət göstərən digər bölmələrin, eyni zamanda Krımdakı Rusiya qarnizonunu təşkil edən 22-ci Ordu Korpusunun birləşdirilməsi və gücləndirilməsindən ibarət olacaq.

Britaniya kəşfiyyatının məlumatına görə, yeni ordu əsasən səfərbər edilmiş şəxsi heyətdən ibarət olacaq və Ukraynanın cənubundakı müdafiə əməliyyatlarına yönəldiləcək.

"Rusiya çox güman ki, əsas ərazilərdə döyüşmək üçün daha təcrübəli bölmələr formalaşdırmağa çalışır", - deyə Britaniya Müdafiə Nazirliyi qeyd edib.

Milli.Az