Dünya

Ukrayna Ermənistanın köməyi ilə İranın pilotsuz təyyarələri ilə hücuma məruz qalır

5 Aprel 2023 13:46

Baxış: 1 237

#DÜNYADA

"Ukraynanın enerji infrastruktur obyektlərinə müntəzəm hücum edərək Moldovanı da vaxtaşırı işıqsız qoyan zərbə PUA-ları Ermənistanla əməkdaşlıq sayəsində İrandan Rusiyaya gətirilir", - Ukrayna mediası analitik hesabatlara istinadən diqqət çəkir.

"ABŞ Ermənistana İran və Rusiya ilə yaxın münasibətləri barədə xəbərdarlıq edib, o cümlədən MKİ rəhbərinin 2022-ci ilin yayında Ermənistana səfəri zamanı o, İran və Rusiya arasında sıx hərbi ittifaqdan uzaq durmaq barədə xəbərdarlıq edib, lakin Ermənistan buna məhəl qoymayıb".

Jurnalistlər beynəlxalq nəşrlərdən, o cümlədən Polşadakı "New Eastern Europe"dan sitat gətirirlər ki, İran Rusiyanın Ukraynaya qarşı müharibəsini Ermənistanın köməyi ilə dəstəkləyir. Bu isə Moskvaya İran istehsalı olan zərbə PUA-ları və raketləri Ermənistanın hava limanları ilə hava məkanından yararlanaraq əldə etməyə, sanksiyalardan yan keçməyə tədarük etməklə sanksiyalardan yan keçməyə kömək edir.

"Iran Air" aviaşirkətinin törəmə strukturu olan "Iran Air Cargo"nun yük təyyarələri İrəvandakı "Zvartnots" hava limanından Moskvaya uçuşlar həyata keçirir. Nəticədə Rusiya Ukrayna infrastrukturuna terror hücumları üçün İranda istehsal edilmiş PUA-lar və raketlərdən istifadə edir.

"Ermənistan nəinki Rusiya Federasiyasına sanksiya tətbiq edilmiş məhsulların tədarükü və Ukraynaya qarşı təcavüz üçün hərbi-texniki təchizat bazası rolunu oynayır, həm də Rusiya-İran alyansına hərbi-logistika dəstəyi verir", - "Teleqraf" yazır.

Milli.Az