Nigeriyanın şimal-mərkəzi Niger əyalətində silahlı qrupun katolik məktəbinə hücumu nəticəsində yüzlərlə şagird qaçırılıb.
Milli.Az xəbər verir ki, Nigeriya Xristian Birliyi (CAN) bildirib ki, basqın zamanı 215 şagird və 12 müəllim girov götürülüb. Hadisə səhər tezdən Müqəddəs Məryəm adına özəl katolik məktəbində qeydə alınıb.
Hücum zamanı bir sıra şagirdlər təhlükəsiz yerə qaça bilib.
Polis isə bölgəyə təhlükəsizlik qüvvələrinin cəlb olunduğunu və meşəlik ərazilərdə axtarış əməliyyatının aparıldığını bildirib.
Milli.Az





