Dünya

Blinken: “TikTok” ABŞ üçün təhlükədir

24 Mart 2023 07:23
Baxış: 409

ABŞ administrasiyası hesab edir ki, Çin sosial şəbəkəsi "TikTok" Birləşmiş Ştatlar üçün təhlükədir, bu və ya digər şəkildə aradan qaldırılmalıdır.

Milli.Az Trend-ə istinadən xəbər verir ki, bu barədə ABŞ-ın dövlət katibi Entoni Blinken bildirib.

ABŞ Konqresinin Nümayəndələr Palatasının Xarici Əlaqələr Komitəsində keçirilən dinləmələrdə bu mövzunu şərh edən Blinken, "TikTok"un ABŞ təhlükəsizliyinə təhdid törətdiyini söyləyib.

ABŞ-da "TikTok"un qadağan edilməsi ilə bağlı sualı cavablandıran dövlət katibi bildirib ki, "təhdidlərə bu və ya digər şəkildə son qoyulmalıdır. Buna nail olmağın müxtəlif yolları var".

Qeyd edək ki, "TikTok"un tənqidçiləri onun ABŞ-dakı istifadəçi məlumatlarının proqram tərəfindən Çin hökumətinə ötürülə biləcəyini bildirirlər və bu, ABŞ qanunvericiləri tərəfindən tətbiqin qadağan edilməsi çağırışlarının artmasına səbəb olur.

Ağ ev administrasiyası "TikTok" sosial şəbəkəsinin çinli sahiblərindən öz hissələrini satmalarını istəyir. Əks halda sosial şəbəkənin Birləşmiş Ştatlar ərazisində istifadəsinə qadağa qoyulacaq.

Milli.Az

VTB-də minimal faiz dərəcəsi ilə nağd kredit 10.99%-dən
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics