Şou-biznes

Seda Sayan: "Oğlumun evinə arvadından icazə alsa, gedə bilərəm"

18 İyun 2026 14:55

Baxış: 627

VTB-də minimal faiz dərəcəsi ilə nağd kredit 9.9%-dən

#MƏŞHURLAR #AİLƏ #MÜĞƏNNİ #TÜRKİYƏ ŞOUBİZNESİ

Məşhur türkiyəli müğənni Seda Sayan ailə münasibətləri ilə bağlı açıqlaması ilə diqqət çəkib.

Milli.Az-ın məlumatına görə, sənətçi övladının ailə qurduqdan sonra şəxsi həyatına hörmətlə yanaşdığını bildirib. O, oğlunun evinə getmək istəyəndə əvvəlcədən xəbər verdiyini və bunun normal hal olduğunu vurğulayıb.

"İrəlidə oğlumun evinə getmək istəsəm, əvvəlcə soruşaram ki, uyğundurmu? Oğlum da 'Ana, bir həyat yoldaşımdan soruşum' desə, onu alqışlayaram. Çünki artıq onun ailəsi və öz həyatı var", - deyə Seda qeyd edib.

Müğənni bəzi insanların bu cür yanaşmaya təəccübləndiyini bildirib. Onun sözlərinə görə, evli övladın hər zaman valideynin yanında olmasının vacib hesab edilməsi doğru yanaşma deyil.

Seda Sayan əlavə edib ki, ailə quran övladın artıq öz məsuliyyətləri və həyat tərzi formalaşır. O, oğlunun həyat yoldaşının fikrinə hörmət etməsini müsbət hal kimi qiymətləndirdiyini vurğulayıb.

Sənətçinin bu sözləri sosial şəbəkələrdə geniş müzakirələrə səbəb olub. Bir çox istifadəçi onun ailədaxili münasibətlərlə bağlı fikirlərini dəstəkləyib.

Müəllif: Tural Hüseyn (Milli.Az redaktor)