Cəmiyyət

Bakı metrosunun Bənövşəyi xəttində yeni stansiya: "Nizami"yə keçid olacaq

19 İyun 2026 11:51
Baxış: 582
VTB-də minimal faiz dərəcəsi ilə nağd kredit 9.9%-dən

Bakı Metropoliteninin Bənövşəyi xəttində inşa olunan 6-cı stansiya gələcəkdə mühüm nəqliyyat qovşaqlarından birinə çevriləcək. 

Milli.Az xəbər verir ki, stansiya sərnişinlər üçün həm də "Nizami" stansiyası vasitəsilə Yaşıl xəttə keçid imkanı yaradacaq.

Sərnişin axını xəritələri göstərir ki, "Xocəsən" və "Avtovağzal" stansiyalarından başlayaraq əhatə olunan ərazi üzrə hərəkət istiqamətləri yeni stansiyanın əhəmiyyətini aydın şəkildə ortaya qoyur. Axın istiqamətləri stansiyanın mobilliyin artırılması, sərnişin rahatlığının təmin edilməsi və sərnişinlərin metro şəbəkəsi üzrə daha səmərəli paylanması baxımından strateji rol oynayacağını nümayiş etdirir.

Qeyd olunur ki, yeni stansiya müxtəlif xətlər arasında əlaqəni gücləndirməklə yanaşı, paytaxtın nəqliyyat sistemində yükün daha balanslı bölüşdürülməsinə də töhfə verəcək.

Müəllif: Aysel Əkbər (Milli.Az müxbir)

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.