Dünya

Avropa İranın əsas hərbi gücünü sıxarsa… - Nəimi

22 Yanvar 2023 14:11
Baxış: 883

SEPAH-ın terror təşkilatı kimi tanınması yenilik deyil. Vaxtı ilə İranın İslam İnqilabı Keşikçiləri Korpusuna tabe olan Qüds qüvvələri Amerika tərəfindən terror təşkilatı kimi tanınıb. Eləcə də ABŞ-ın eks-prezidenti Donald Tramp SEPAH-ın terrorçu kimi tanınmasına imza atdı. Bu gün isə avropalılar SEPAH-ı terrorçu siyahısında görmək istəyirlər.

Milli.Az bildirir ki, bu sözləri Axar.az-a tanınmış güneyli fəal və siyasi şərhçi Mehdi Nəimi AP-nin SEPAH-ı terror təşkilatı kimi tanımaqla bağlı AB-yə yönəli tövsiyə xarakterli qətnamə qəbul etməsi haqda danışrakən deyib.

O, molla rejiminin sanksiyalara məhəl qoymadığını diqqətə çatdırıb:

"İranın etirazçılara tətbiq etdiyi siyasi basqı, Ukraynaya qarşı Rusiya ilə əməkdaşlığı SEPAH-ın əsas terror fəaliyyətlərindən hesab olunur. Bundan sonra Avropa dövlətləri daha hansı addım atacaq və prosesə necə yanaşacaq, ona baxmaq lazımdır. SEPAH isə bu cür qadağalara, sanksiyalara hazırlıqlıdır. İllərdir ki, İrana sanksiyalar tətbiq olunur. İqtisadi vəziyyəti getdikcə bu səbəbdən pisləşir. Vətəndaşlarına qarşı məsuliyyət daşısaydı, iş bu həddə çatmazdı. İqtisadiyyatını bir neçə qaz və neft quyusuna dayanaraq idarə edən hakimiyyət millət qarşısında özünü o qədər də cavabdeh hiss etmir. Qərb ölkələrinin embarqo və sanksiyalarını hakimiyyət nəzərə almır. SEPAH-ın terror təşkilatı kimi tanınması ilə yeni sanksiyalar tətbiq olunacaq. Bununla da SEPAH-a bağlı olan şirkətlər də sıxıntı yaşayacaq. İran isə bundan sonra Avropaya sözdə sinə gərməyə çalışacaq. Bu, elə sözdə olacaq, çünki əlində yetərincə imkanlar yoxdur. Ola bilər ki, İran Hörmüz boğazını sıxmaqla təzyiq göstərməyə çalışsın. Bunun qarşılığında da təpki görəcək. Ona gələcək təpkiyə isə İran cavab verəcək halda deyil".

Milli.Az

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics