Şagirdi ilə yatmaq üçün otel tutan qadın müəllim işdən qovuldu

Böyük Britaniyada Kentdən olan bir müəllimə 2008-ci ildə şagirdi ilə münasibətdə olduğu üçün işini itirib.

Milli.Az bildirir ki, bu barədə "Daily Mail" məlumat yayıb.

"Maidstone's Oakwood Park Grammar School"un keçmiş coğrafiya müəllimi, 44 yaşlı Kili Din noyabrın 10-da Təhsil Tənzimləmə Agentliyinin qarşısına çıxıb. Qadın 2008-2009-cu illərdə yaşı 19-dan az olan şagirdlə 8 aylıq cinsi əlaqədə olmaqda ittiham olunub.

Keçmiş şagird 2020-ci ildə evli müəllimlə münasibətindən danışıb, çünki "bu sirr onu içəridən korladı". Onun sözlərinə görə, o, Dinlə 2008-ci ilin avqust ayından internet vasitəsilə əlaqə saxlayıb və arada zəngləşib. Daha sonra onlar birlikdə kinoya gediblər və dekabr ayında valideynləri Milad korporativ ziyafətində olarkən şagird qadını evinə dəvət edib. Gənc müəllimlə münasibətini sırf platonik hesab etdiyini iddia etsə də, etiraf edib ki, tək olduqları zaman qadını birinci öpüb. Daha sonra cütlük cinsi əlaqədə olub.

2009-cu ilin yanvar ayından onlar müntəzəm olaraq görüşüblər və bir dəfə Din bu məqsədlə bir otel otağı icarəyə götürüb. Həmin ilin yayında yeniyetmənin dostları, onun sözlərinə görə, nədənsə şübhələnməyə başladığından və o, "artıq yalan danışmaq istəmədiyindən" münasibət sona çatıb. Ancaq "Kent Online"a görə, gənc oğlan artıq universitetə ​​daxil olanda cütlük qısa müddətə münasibətlərini bərpa edib. 2020-ci ildə "Oakwood Park Grammar School" rəhbərliyinə narahatedici bir sirri açmaq qərarına gəlib, çünki onun sözlərinə görə, "digər şagirdlərin təhlükəsizliyi üçün narahat idi".

Kili Din özünü təqsirli bilməyib, ittihamlardan şoka düşdüyünü və keçmiş şagirdin bütün bunları niyə açıqlamaq qərarına gəldiyini bilmədiklərini söyləyib. Bununla belə, oğlanın keçmiş sinif yoldaşları iddia edib ki, onlar onun evinin yaxınlığında onun avtomobilini gördükləri üçün dostunun müəllimlə münasibətindən şübhələniblər. Şagirdin anası da Dinin oğlunu maşına mindirdiyini görüb.

Təhsili Tənzimləmə Agentliyinin Komissiyası iddiaçının arqumentlərinə inanaraq Dini ömürlük təhsil müəssisələrində işləmək hüququndan məhrum etmək qərarına gəlib. Təşkilat üzvlərinin sözlərinə görə, müəllimin bu cür davranışının təkrarlanması riski var.

İrfan Vəliyev
Milli.Az