Dünya

Qadın televizor işləmədiyinə görə qonşusuna "kislota" atdı

22 Noyabr 2022 20:30
Baxış: 502

Moskva vilayətində təqaüdçü qadın işləməyən televizora görə qonşusuna kimyəvi məhlul töküb.

Milli.Az bildirir ki, bu barədə "Moskovski Komsomolets" məlumat yayıb.

Nəşrin məlumatına görə, bazar günü, noyabrın 20-də Şatura şəhər rayonunun Mişeronski dairəsinin 76 yaşlı sakini qonşusunun televiziya antenasını zədələməkdən şübhələnib. Yaşlı qadın 41 yaşlı tanışının qapısını döyərək üç litrlik bankadan tünd qəhvəyi mayeni onun üzünə atıb. Təqaüdçü qapını naməlum maddənin qalıqları ilə çirkləndirib.

Qəzet yazıb ki, gözlərinin, üzünün, boynunun və ayaqlarının şiddətli sancmasından şikayət edən zərərçəkmişi təcili yardım xəstəxanaya çatdırıb. Hadisə yerinə gələn polis əməkdaşları təqaüdçünü tapa bilməyib. Onlar yaşlı qadının oğlu ilə əlaqə saxlayıb, onu yanına aparmaq istəyiblər, lakin kişi hadisə yerinə gəlməyib.

Portalın məlumatına görə, bundan əvvəl təqaüdçü qonşularının qapısının altına sümüklər atıb, həmçinin girişin döşəməsinə bir neçə flakon aseton töküb. Evin bəzi sakinləri yaşlı qadının televiziya antenasını özü zədələdiyini də ehtimal ediblər.

İrfan Vəliyev
Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics