Dünya

Təmir pulu üçün rəfiqəsinin başını kəsdi

21 Oktyabr 2022 20:36

Baxış: 1 033

VTB-də minimal faiz dərəcəsi ilə nağd kredit 10.49%-dən

#KRİMİNAL #CİNAYƏT #BRİTANİYA

London sakini bərbad vəziyyətdə olan evini təmir etmək üçün bir qadının başını kəsərək vəsiyyətini saxtalaşdırıb.

Milli.Az bildirir ki, bu barədə "Sidmouth Herald" məlumat yayıb.

Əvvəlcə 38 yaşlı Cemma Mitçell təmir üçün lazım olan 200 min funt-sterlinqin dostu, 67 yaşlı Me Kuen Çun tərəfindən ödəniləcəyini gözləyib. O, fikrini dəyişəndə Mitçel onu öldürmək qərarına gəlib.

Müstəntiqlərin fikrincə, Mitçel qurbanının yanına gəlib, ona ölümcül yaralar yetirib, sonra ehtiyatla özü ilə gətirdiyi böyük mavi çamadanda cəsədini evdən çıxarıb.

Qətldən bir gün sonra Çunun qalıqları Londondan 320 kilometr aralıda tapılıb. Öldürülən qadının başı bir neçə gün sonra meyitin olduğu yerdən on metr aralıda tapılıb. Ölümündən əvvəl mərhumun 20 qabırğası sındırılıb, kəllə sümüyü küt əşya ilə deşilib.

Mitçell tezliklə əsas şübhəli olub. Polis Mitçellin ağır mavi çamadanla Çunun evindən çıxdığını göstərən kamera görüntülərini əldə edib. O, qurbana məxsus başqa bir çamadanı da özü ilə sürüyüb.

Qadın həbs edilib. Axtarış zamanı polis qonşunun talvarının damında meyiti çıxardığı göy rəngli çamadan tapıb. İçində qana bulaşmış dəsmal olub. DNT analizi bunun qurbanın qanı olduğunu göstərib.

Çunun saxta vəsiyyəti Mitçellin kompüterində tapılıb. Orada bildirilib ki, mərhumun sərvətinin 95 faizi ev təmiri üçün Mitçellə, digər beşi isə Mitçellin anasına verilməlidir. Sənəd iyulun 1-də, Çunun artıq öldüyü vaxt yaradılıb. Çunun imzasını Mitçell onun pasportundan köçürüb.

Hazırkı vəsiyyətnamədə Çun evini kilsəyə bağışlayacaq, qalanını isə xeyriyyəçilik üçün ailəsinə buraxacaqdı. Sənəd qurbanın Uemblidəki evində tapılıb.

Məhkəmədə Mitçell qətldə iştirakını inkar edib.

İrfan Vəliyev
Milli.Az