Dünya

Britaniya kralının tacqoyma mərasimi gələn il keçiriləcək

5 Oktyabr 2022 23:37

Baxış: 1 031

VTB-də minimal faiz dərəcəsi ilə nağd kredit 9.9%-dən

#BRİTANİYA

Böyük Britaniya Kralı III Çarlzın tacqoyma mərasimi gələn il iyunun 3-də paytaxt Londondakı Vestminster Abbeyində keçiriləcək.

Milli.Az "report"a istinadən bildirir ki, bu barədə "Bloomberg" agentliyi Britaniya hakimiyyət orqanlarına istinadən məlumat yayıb.

Eyni zamanda agentlik qeyd edib ki, Britaniya hökumətində tacqoymadan əvvəl və sonra hansı günlərin istirahət olacağı ilə bağlı müzakirələr gedir.

Qeyd edək ki, Böyük Britaniya və Şimali İrlandiyanın Kraliçası Ülyahəzrət II Elizabet bu il sentyabrın 8-də 96 yaşında vəfat edib. Britaniya taxtının faktiki varisi şahzadə Çarlz onun ölümündən sonra yeni monarx olub. Sentyabrın 10-da Londondakı Müqəddəs Ceyms sarayında o, rəsmi olaraq Böyük Britaniya kralı elan edilib.

Rəsmi olaraq hakimiyyətinin başlanğıcı sayılan tacqoyma mərasimi zamanı kralın 74 yaşı olacaq.

Milli.Az