Dünya

Tayvan mümkün müharibədə Çinə qarşı dura bilərmi? - Hər iki ölkənin hərbi gücü

4 Avqust 2022 15:08
0 Şərh     Baxış: 1 362
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ Konqresinin Nümayəndələr Palatasının sədri Nensi Pelosinin Tayvana səfəri Sakit okeanda müharibə zənglərinin çalınmasına səbəb olub.

Milli.Az musavat.com-a istinadən xəbər verir ki, Çin ordusu döyüş təlimlərinə başlasa da, Tayvan və ABŞ geri çəkilməyib.

Çin Pelosinin Tayvana səfərinə sərt reaksiya verib. "Bu davranış, odla oynamaq kimi, son dərəcə təhlükəlidir. Odla oynayanlar özünü yandıracaq", - Çin Xarici İşlər Nazirliyinin bəyanatında deyilir.

Çin ordusu bölgədə döyüş təyyarələri və raketlərlə təlimlərə başlasa da, Tayvan da geri çəkilməyəcəyini açıqlayıb. Tayvanın yanında olacaqlarını təkrarlayan ABŞ rəsmiləri, Sakit okeanda Çinə qarşı İndoneziya ilə birgə təlimə başlayıb. Bölgə yanğın yerinə dönmək ərəfəsindədir və bütün dünya mümkün müharibə vəziyyətindən danışmağa başlayıb. Çin və Tayvan arasında gedən müharibədə orduların son vəziyyəti də maraq doğurur. İki ölkənin ordu qüvvələri müqayisə edildikdə, Çinin daha güclü mövqedə olduğunu söyləmək olar.

Szöügedən ölkələrin ordu qüvvələrini təqdim edirik:

TAYVANIN HƏRBİ GÜCÜ

Şərqi Asiya ada ölkəsi kimi tanınan Tayvanın əhalisi 24 milyon civarındadır. Çin Xalq Respublikası tərəfindən tanınmayan Tayvanda aktiv kadrların sayı 290 min nəfərdir. Tayvanda ehtiyat personalın sayı 2 milyon 800 min nəfər olaraq bilinir. Mümkün səfərbərlik zamanı işə götürülə biləcək 18-40 yaş arası insanların sayı 5 milyon 883 min olaraq təyin olunub. Lakin bu say və ölkə əhalisi təbii ki, uzunmüddətli perspektivdə Çinə müqavimət göstərəcək vəziyyətdə deyil. İnventar baxımından problem yaşayan Tayvan, silah müqaviləsi bağladığı ABŞ vasitəsilə bu nöqtədə kəsirini bağlamağı hədəfləyir. Digər tərəfdən, Tayvan ordusunda 1180 tank, 2000 zirehli döyüş maşını, 744 hava qüvvələri təyyarəsi, 210 helikopter, 22 freqat, 10 minaatan gəmi və 4 sualtı qayıq var. ABŞ bu yaxınlarda Tayvana 90 ədəd F-16 təyyarəsi verilməsi üçün razılaşdıqlarını da açıqlayıb.

ÇİNİN HƏRBİ GÜCÜ

Dünyanın ən güclü orduları reytinqində 3-cü yerdə olan Çin ordusuna çoxlu sərmayə qoyur. Müdafiə büdcəsinə 224 milyard dollar ayıran Çinin ümumi hərbi personalının sayı 2,6 milyon, hava qüvvələrinin ümumi sayı 3187, döyüş təyyarəsi 1222, döyüş tankı 13050, donanması isə 714dür.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.