Dünya

Rusiya Ukraynada “Vaqner”in qırıcı təyyarələrindən istifadə edir - Britaniya kəşfiyyatı

24 İyun 2022 10:30
0 Şərh     Baxış: 1 189
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Rusiya Ukraynada döyüş əməliyyatlarının dəstəklənməsində "Vaqner" hərbi şirkətinin qırıcı təyyarələrindən istifadə edir.

Milli.Az APA-ya istinadən bildirir ki, bu barədə Böyük Britaniya Müdafiə Nazirliyinin kəşfiyyat xidmətinin məlumatında qeyd olunub. Bildirilib ki, Ukrayna qüvvələri iyunun 17-də Rusiyaya məxsus Su-25 qırıcı təyyarəsinin vurulması və pilotun qısa müddət sonra ələ keçirilməsi barəsində məlumat yayıb. Pilot Rusiya Hərbi Hava Qüvvələrinin (HHQ) keçmiş mayoru olduğunu, "Vaqner" hərbi şirkəti üçün çalışdığını və münaqişə zamanı bir neçə uçuş həyata keçirdiyini etiraf edib.

"Vaqner"in podratçısı kimi çalışan və təqaüddə olan personalın yaxın hava dəstəyi missiyalarını yerinə yetirməsi onu göstərir ki, Rusiya HHQ çox güman ki, Ukraynaya hücumu kifayət qədər aviasiya heyəti ilə dəstəkləməkdə çətinlik çəkir. Bu, çox güman ki, Rusiyanın kifayət qədər təlim keçmiş kadrlarının sayının azlığı və döyüş itkilərinin kombinasiyası ilə əlaqədardır. Rus pilotun öz missiyalarını yerinə yetirərkən Rusiya hərbi naviqasiya avadanlıqlarından deyil, kommersiya GPS cihazlarından istifadə etdiyi bildirilir. Bu, çox güman ki, "Vaqner" təyyarələrinin Su-25-in köhnə modelləri olduğunu və Rusiya HHQ-nin "Vaqner"i ən müasir avionika avadanlıqları ilə təmin etmədiyini göstərir", - deyə Britaniya kəşfiyyatının məlumatında bildirilib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.