Dünya

Xarkov vilayətinə zərbələr endirilib: 3 ölü, çoxlu yaralı

6 İyun 2022 14:21

1 Şərh Baxış: 809

#RUSİYA-UKRAYNA MÜHARİBƏSİ

Xarkov vilayətində atışma nəticəsində 3 nəfər ölüb, 10 nəfər yaralanıb.

Milli.Az bildirir ki, bu barədə Xarkov vilayət hərbi administrasiyasının sədri Oleq Sinegubov Telegram kanalında məlumat verib.

Onun sözlərinə görə, gecə saatlarında Kiyev və Sloboda rayonları atəşə tutulub, nəticədə mühüm infrastruktura və yaşayış fonduna ziyan dəyib.

Xarkov Vilayət Dövlət Administrasiyasının sədri əlavə edib ki, ruslar bölgənin rayonlarına da hücum ediblər.

"Ümumilikdə, gün ərzində rayonda 3 ölü, 10 yaralı var", - Sinegubov bildirib. Onun sözlərinə görə, Balakleya şəhərində - bir ölü, yeddi yaralı, Çuqevdə - bir ölü, bir yaralı, Çerkasskaya Lozovada - bir ölü, Slobojanskoye kəndində iki yaralı.

Yaşayış binalarına, ictimai binalara, avtomobillərə və mühüm infrastruktur obyektlərinə də ziyan dəyib.

Sinegubov bildirib ki, ruslar Ukrayna Silahlı Qüvvələrinin İzyum bölgəsindəki mövqelərinə hücum etmək cəhdi uğursuz olub, bundan sonra geri çəkiliblər.

Onun sözlərinə görə, rus qoşunları xeyli sayda canlı qüvvə və zirehli texnika itirib.

"Ukrayna Silahlı Qüvvələri yaşayış məntəqələrimizi azad edərək irəli getməyə çalışır", - Sinegubov əlavə edib.

Aslan Məmmədov
Milli.Az