Dünya

Gürcüstanda “oğru dünyası” ilə əlaqəsi olan 9 nəfər tutulub

19 May 2022 19:22

0 Şərh Baxış: 857

VTB-də minimal faiz dərəcəsi ilə nağd kredit 9.9%-dən

#GÜRCÜSTAN

Gürcüstanda "oğru dünyası" ilə əlaqəli olmaqda şübhəli bilinən 9 nəfər saxlanılıb.

Milli.Az APA-ya istinadən bildirir ki, bu barədə Gürcüstan Daxili İşlər Nazirliyinin (DİN) məlumatında bildirilib.

Qeyd olunub ki, qurumun əməkdaşlarının ölkənin Baş Prokurorluğu ilə birgə həyata keçirdiyi kompleks əməliyyat-istintaq tədbirləri çərçivəsində Tbilisi, Acarıstan, İmereti, Sameqreloda 9 nəfər saxlanılıb, daha 7 nəfərə qarşı qiyabi ittiham irəli sürülüb.

Saxlanılan şəxslər vətəndaşlar arasındakı maliyyə mübahisələrini qanunsuz yollarla həll edərək şəxsi mənfəət əldə etməkdə ittiham edilirlər. Onların xaricdə olan və barəsində qiyabi ittiham irəli sürülmüş başqa bir "qanuni oğru" ilə əlaqələrinin olduğu bildirilib.

İttihamlar təsdiqini taparsa, saxlanılan şəxslər 3 ildən 15 ilədək həbs edilə bilərlər.

Milli.Az