Cəmiyyət

“Jeton” və baxış naminə həyatlarını təhlükəyə atırlar – Görüntülər narahatlıq doğurdu - (Video)

13 İyul 2026 09:30

Baxış: 1 264

VTB-də minimal faiz dərəcəsi ilə nağd kredit 9.9%-dən

#CƏMİYYƏT #VİDEO #SOSİAL ŞƏBƏKƏLƏR #TİKTOK

Sosial şəbəkələrdə yayılan bəzi görüntülər ictimaiyyətdə ciddi narahatlıq yaradıb.

Milli.Az-ın məlumatına görə, belə ki, daha çox izləyici toplamaq və canlı yayımlarda "jeton" qazanmaq istəyən bəzi yeniyetmələr təhlükəli hərəkətlər edərək həm öz həyatlarını, həm də ətrafdakı insanların təhlükəsizliyini riskə atırlar.

TikTok platformasında yayılan kadrlarda onların yüksək riskli davranışlar nümayiş etdirdiyi, təhlükəsizlik qaydalarına məhəl qoymadığı görünür. Bu cür paylaşımlar qısa zamanda geniş yayılaraq sosial şəbəkə istifadəçiləri arasında müzakirələrə səbəb olub.

İzləyicilərin əksəriyyəti bu cür davranışları məsuliyyətsizlik kimi qiymətləndirərək, sosial media uğrunda həyatın təhlükəyə atılmasının yolverilməz olduğunu bildiriblər. Bir çox istifadəçi valideynlərin və aidiyyəti qurumların bu məsələyə daha həssas yanaşmasının vacibliyini vurğulayıb.

Mütəxəssislər isə xəbərdarlıq edirlər ki, sosial şəbəkələrdə populyarlıq və ya maddi qazanc naminə edilən təhlükəli hərəkətlər ağır xəsarətlərə, hətta faciəvi nəticələrə səbəb ola bilər. Buna görə də yeniyetmələrin internetdən təhlükəsiz istifadə qaydaları barədə maarifləndirilməsi xüsusi əhəmiyyət daşıyır.

Müəllif: Tural Hüseyn (Milli.Az redaktor)