Bir püskürtmə ilə uçan qarışqalar evdən saniyələr içində qaçacaq

Yay aylarında havaların istiləşməsi və rütubətin artması ilə evlərdə gözlənilməz "qonaqlar" - uçan qarışqalar peyda olmağa başlayır. Pəncərə və qapı aralarından, divardakı görünməz çatlaqlardan sızan bu canlılar ciddi narahatlıq yarada bilər. Lakin onlarla mübarizə aparmaq üçün zərərli kimyəvi spreylərə ehtiyac yoxdur; evdəki sadə vasitələrlə hazırlayacağınız təbii üsul kifayətdir.

Milli.Az xəbər verir ki, qarışqalar yollarını tapmaq və koloniyanın digər üzvlərinə istiqamət vermək üçün arxalarında "feromon" adlanan xüsusi qoxu izləri buraxırlar. Evinizdəki qarışqa cığırlanması məhz bu görünməz qoxu yolunu izlədikləri mənasına gəlir.

Mətbəximizin vazkeçilməzi olan ağ sirkə burada əsas rol oynayır. Sirkənin kəskin və turş qoxusu qarışqaların buraxdığı bu kimyəvi izləri tamamilə maskalayır. Pusulasını itirən uçan qarışqalar istiqamətlərini tapa bilmədikləri üçün evinizə doğru irəliləmək əvəzinə geri dönürlər.

Təbii "qarışqa qovan" sprey necə hazırlanır?
Bu qarışım uşaqlar və ev heyvanları üçün tamamilə təhlükəsizdir:

Boş bir sprey şüşəsinin yarısını ağ sirkə, digər yarısını isə normal su ilə doldurun. Şüşəni yaxşıca çalxalayın.

Hazırladığınız bu turşulu qarışığı qapı eşiklərinə, pəncərə kənarlarına, havalandırma boşluqlarına və qarışqaların girə biləcəyi divar çatlaqlarına bolca püskürdün.

Sirkənin qoxusu zamanla uçacaq. Qoruyucu təsirin davam etməsi üçün, xüsusilə isti günlərdə qoxunun azaldığını hiss etdikdə işlemi təkrarlayın.

Bu qarışığı istifadə edərkən diqqətli olun: ağ sirkə yüksək turşuluğa malik olduğu üçün mərmər, qranit və digər təbii daş səthlərə birbaşa püskürtmək olmaz. Turşu bu cür həssas səthlərin parıltısını məhv edə və ləkələr yarada bilər. Tətbiqi yalnız taxta, plastik (PVC) və ya beton kimi davamlı səthlərdə edin.

Əgər evinizdəki uçan qarışqa problemi sadəcə bir otaqla məhdudlaşmırsa və divarların içindən gələn kütləvi istila vəziyyəti varsa, ən sağlam yol peşəkar dezinfeksiya şirkətlərindən dəstək almaqdır.

Müəllif: Ülkər Vəliyeva (Milli.Az redaktor)