Dünya

Rusiya bütün Ukraynanı ələ keçirməyi planlaşdırıb - Sumıda sənədlər tapıldı

11 May 2022 22:01

0 Şərh Baxış: 1 502

VTB-də minimal faiz dərəcəsi ilə nağd kredit 10.49%-dən

#RUSİYA-UKRAYNA MÜHARİBƏSİ

Sumı vilayətinin Trostyanets şəhərində Dövlət İstintaq Bürosunun müstəntiqləri Rusiyanın bütün Ukrayna ərazisini ələ keçirməyə hazırlaşdığını göstərən mühüm sənədlər aşkar ediblər.

Milli.Az "qafqazinfo"-ya istinadən xəbər verir ki, bu barədə Ukrayna Dövlət İstintaq Bürosunun direktoru Aleksey Suxaçev məlumat verib.

Məlumatda qeyd olunur ki, müstəntiqlər ruslar tərəfindən faktiki dağıdılmış şəhərin 2 min hektardan çox ərazisinə baxış keçirib. Baxış zamanı Rusiya hərbçilərinin sənədləri və şəxsi əşyaları müsadirə edilib.

"Dövlət İstintaq Bürosunun müstəntiqləri Rusiyanın bütün Ukrayna ərazisini ələ keçirməyə hazırlaşdığını açıq şəkildə başa düşməyə imkan verən Rusiya Silahlı Qüvvələrinin hərbçilərinin mühüm sənədlərini tapıblar. Bütün bu məlumatlar öyrəniləcək və iş materiallarına əlavə olunacaq", - deyə Suxaçev qeyd edib.

Dövlət İstintaq Bürosu onu da bildirib ki, istintaq zamanı rusların mülki şəxslərə işgəncə verdiyi yerlər müəyyən edilib. Sakinlərin qanunsuz həbsi və işgəncələrə məruz qalması ilə bağlı ən azı 34 fakt qeydə alınıb.

Hadisə yerindən dəyənəklər, əl qandalları, metal sancaqlar və zərərçəkmişlərin qan izləri olan paltarları aşkar edilib.

Həmçinin, ərazidən ikisi uşaq olmaqla 23 nəfərin cəsədini çıxarıblar.

Milli.Az