Dünya

64 kilometrlik rus kalonunun aqibəti necə oldu? - FOTO

11 Mart 2022 08:28

0 Şərh Baxış: 2 320

VTB-də minimal faiz dərəcəsi ilə nağd kredit 10.49%-dən

Bir neçə gün öncə Kiyevə doğru hərəkət etdiyi bildirilən Rusiya ordusuna məxsus 64 km uzunluğundakı kalonla bağlı yeni məlumatlar yayılıb.

Milli.Az xəbər verir ki, "qafqazinfo"nun "Maxar Technologies"ə istinadən məlumatına görə, peykdən çəkilmiş yeni görüntülər göstərir ki, kalonun bəzi elementləri Lubyanka yaxınlığındakı meşələrə və meşəlik ərazilərə yerləşdirilib.

Peyk şəkilləri cümə axşamı Kiyev vaxtı ilə saat 11:37-də çəkilib.

Yedəklənmiş artilleriya və digər texnika Antonov aviabazasından təxminən beş kilometr şimal-qərbdə, Lubyanka yaxınlığında, seyrək ağac kolluğunda gizlənir.

Berestyankada, aviabazadan təqribən 15 km qərbdə, bir neçə yanacaq daşıyan maşın və peyklərin məlumatına görə, çoxlu raketatan qurğular ağacların yaxınlığındakı sahədə dayanıb.

Qeyd edək ki, bundan əvvəl Kiyev vilayətinin Mokrets kəndi yaxınlığında Ukrayna ordusu rusların 7 tank və 1 BRM-ni ələ keçirmişdi.

Milli.Az