Dünya

Tailandda neft tankerində güclü partlayış baş verib - VİDEO

9 Mart 2022 17:44

0 Şərh Baxış: 690

VTB-də minimal faiz dərəcəsi ilə nağd kredit 10.49%-dən

#VİDEO

Martın 9-da çərşənbə günü səhər Tailandın mərkəzində, Banqkok yaxınlığında yerləşən Samut Prakan əyalətinin limanında güclü partlayış baş verib.

Milli.Az Vesti-yə istinadən xəbər verir ki, 1983-cü ildə inşa edilmiş və Tailand bayrağı altında üzən 75 metrlik "Smooth Sea 2" neft tankeri partlayıb.

Yerli KİV-in məlumatına görə, hadisə nəticəsində 3 nəfər xəsarət alıb, daha bir nəfər ölüb. Hadisə zamanı gəmidə yük olmadığı və çənlərinin boş olduğu qeyd edilir.

Partlayışdan sonra tankerin göyərtəsində yanğın başlayıb və köməyə gələn yanğınsöndürənlər təxminən yarım saat ərzində onun öhdəsindən gələ biliblər.

Hazırda ekspertlər hadisənin səbəblərini və şəraitini müəyyənləşdirirlər.

Aslan Məmmədov
Milli.Az