Dünya

Avropa İttifaqı bu rusları “qara siyahı”ya saldı

24 Fevral 2022 08:02
0 Şərh     Baxış: 742
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Avropa İttifaqı "DXR" və "LXR"i tanıdığı üçün Rusiyanın siyasi, hərbi və iqtisadi rəhbərliyinin 400-ə yaxın nümayəndəsinə, jurnalistlərə və ictimai xadimlərə qarşı sanksiyalar tətbiq edib.

Milli.Az "qafqazinfo"-ya istinadən xəbər verir ki, sanksiya siyahısına müdafiə naziri Sergey Şoyqu, Rusiya prezidenti administrasiyasının rəhbəri Anton Vayno, Rusiya Xarici İşlər Nazirliyinin rəsmi nümayəndəsi Mariya Zaxarova, jurnalistlər: RT rəhbəri Marqarita Simonyan, teleaparıcı Vladimir Solovyov, ictimai xadim və "News Front" resursunun rəhbəri Konstantin də daxil edilib.

Siyahıda həmçinin baş nazirin müavini Marat Xusnullin, digər müavini Dmitri Qriqorenko, iqtisadi inkişaf naziri Maksim Reşetnikov, Rusiya Hərbi Dəniz Qüvvələrinin baş komandanı Nikolay Evmenov, Rusiya Hərbi Dəniz Qüvvələrinin baş komandanının müavini Vladimir Kasatonov, komandan- Quru Qoşunlarının Ali Baş Komandanı Oleq Salyukov, Hərbi Hava Qüvvələrinin komandanı Sergey Dronov, Aerokosmik Qüvvələrin Ali Baş Komandanı Sergey Surovkin, Qara Dəniz Donanmasının komandanı İqor Osipovun da adı var. Bundan əlavə, qara siyahıya əvvəllər Aİ-nin müxtəlif qara siyahılarına daxil edilmiş şəxslər istisna olmaqla, "DXR" və "LXR"nin "müstəqilliyi"nin lehinə səs vermiş bütün Dövlət Dumasının deputatları (ümumilikdə 330-dan çox adam) daxildir.

Onların hamısının Avropa İttifaqına daxil olması və onun bank sisteminə çıxışı qadağan edilib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.