Türkiyə

Ərdoğan Bahçelini evində ziyarət etdi - FOTO

6 May 2025 21:48

Baxış: 542

VTB-də minimal faiz dərəcəsi ilə nağd kredit 10.49%-dən

#RƏCƏB TAYYİB ƏRDOĞAN

Türkiyə Prezidenti Rəcəb Tayyib Ərdoğan, Milliyyətçi Hərəkat Partiyasının (MHP) sədri Dövlət Baxçalı ilə bir araya gəlib. Dörd aylıq fasilədən sonra baş tutan bu ilk üz-üzə görüş təxminən 35 dəqiqə davam edib.

Milli.Az Türkiyə mətbuatına istinadən xəbər verir ki, bu ziyarət, MHP lideri Baxçalının səhhətində yaranan problemlərdən sonra ilk görüş olması baxımından əhəmiyyət daşıyır.

MHP Başqanı Baxçalı, Ankaranın Bəştəpə bölgəsində yerləşən evində keçirilən görüşdən əvvəl Prezident Ərdoğanı qapıda qarşılayıb.

Təxminən 35 dəqiqə davam edən görüşdən sonra Prezident Ərdoğan Baxçalının iqamətgahından ayrılıb.

MHP sədri Baxçalı daha öncə ürəyindən əməliyyat olunmuşdu. Təxminən 10 il əvvəl dəyişdirilən ürək qapağında degenerasiya əlamətləri müşahidə edildiyindən həmin qapaq yenisi ilə əvəzlənmiş və əməliyyatın uğurla başa çatdığı bildirilmişdi.

Lalə Qüdrətova
Milli.Az