Türkiyə

Türkiyədə bu dəfə Uludağda hotel yandı - Ölənlər var - YENİLƏNİB - FOTOlar

27 Mart 2025 11:04

Baxış: 1 882

VTB-də minimal faiz dərəcəsi ilə nağd kredit 9.9%-dən

#DÜNYADA #TÜRKİYƏ

11:04

Türkiyənin Bursa şəhərinin Uludağ rayonunda lisenziya müddəti başa çatmış oteldə baş vermiş yanğında 2 nəfər həlak olub.

Trend bu barədə türk KİV-lərinə istinadən xəbər verir.

Məlumata görə, yanğının xizək təlimçilərinin eyvanda manqal yandırdığı zaman yuxarı hissənin alışması ilə başladığı bildirilir. Alovlar qısa müddətdə böyüyərək oteli bürüyüb.

Yanğın zamanı oteldə və xizək mərkəzində çalışan 12 nəfərin binanın içində olduğu məlum olub. Türkiyənin xizəkçilik və snoubord üzrə təlim dərnəyinin sədri Yahya Usta, onun həyat yoldaşı Fikriyə Usta və oğlu - 24-cü Pekin Qış Olimpiya Oyunlarında Türkiyəni təmsil edən xizəkçi Berkin Usta tüstüdən zəhərlənərək xəstəxanaya yerləşdirilib. Sonuncunun həyatını xilas etmək mümkün olmayıb.

Faktla bağlı araşdırma aparılır.

09:08

Türkiyənin Bursa vilayətinin Uludağ rayonunda yerləşən "Kervansaray" hoteldə yanğın baş verib.

Milli.Az xəbər verir ki, yanğın qısamüddətdə genişlənərək binaya yayılıb.

Hadisə yerinə çoxlu sayda yanğınsöndürmə briqadaları cəlb edilib.

Bursa Böyükşəhər Bələdiyyə sədri Mustafa Bozbey yanğında 1 nəfərin öldüyünü, 4 nəfərin isə xilas edildiyini açıqlayıb.

Xatırladaq ki, Bolu vilayətinin Kartalkaya rayonunda yanvarın 21-də baş verən yanğın nəticəsində 78 nəfər həlak olub, 50-yə yaxın insan xəsarət alıb. Ölkədə matəm elan edilib./publika.az

xxx

Türkiyənin Bursa vilayətinin Uludağ rayonunda yerləşən bir hoteldə yanğın baş verib.

Trend xəbər verir ki, yanğın qısamüddətdə genişlənərək binaya yayılıb.

Hadisə yerinə çoxlu sayda yanğınsöndürmə briqadaları cəlb edilib. Hotelin içərisində insanların olub-olmaması ilə bağlı açıqlama verilməyib.

Milli.Az