Türkiyə

2 ildir zəlzələdə itən atasını axtarır - Dağıntılar altında qalıb? - FOTO

5 Fevral 2025 17:31

Baxış: 926

VTB-də minimal faiz dərəcəsi ilə nağd kredit 9.9%-dən

#HADİSƏ #TÜRKİYƏ #ZƏLZƏLƏ #TƏBİİ FƏLAKƏT

6 fevral 2023-cü ildə Kahramanmaraşda baş verən və "əsrin fəlakəti" olaraq xarakterizə edilən zəlzələ zamanı Dulkadiroğlu səmtində yaşayan 83 yaşlı Əkrəm Hocaoğulları hələ də itkin hesab olunur.

Milli.Az türk medisına istinadla xəbər verir ki, onun qızı və nəvəsi çökmüş binadan sağ çıxmağı bacarsa da, Əkrəm Hocaoğullarının cəsədi tapılmayıb.

Atasını tapmaq ümidi ilə iki ildir mübarizə aparan Neşe Hocaoğulları rəsmi qurumlara müraciət etsə də, heç bir nəticə əldə edə bilmədiyini bildirir. O, atasının DNT testi aparılmadan dəfn oluna biləcəyindən narahatdır:

"Atam evdə idi, qaçıb xilas ola biləcək vəziyyətdə deyildi. Bacım eyvana atılaraq xilas oldu, nəvəm isə bir neçə gün sonra dağıntılar altından çıxarıldı. Ancaq atam yox idi. Prokurorluğa müraciət etdik, üç bacımla birlikdə DNT testi verdik, amma heç bir nəticə əldə edə bilmədik."

Ailə Əkrəm Hocaoğullarının taleyinə aydınlıq gətirmək üçün səlahiyyətlilərdən dəstək gözləyir.

Fidan
Milli.Az