Türkiyə

"Qızımın qatili deyiləm, Allah şahidimdir" - FOTO

29 Dekabr 2024 12:53

Baxış: 2 621

VTB-də minimal faiz dərəcəsi ilə nağd kredit 9.9%-dən

#HADİSƏ #TÜRKİYƏ #MƏHKƏMƏ #CİNAYƏT

Xəbər verdiyimiz kimi, Türkiyədə Narin Güranın qətli ilə bağlı davam edən cinayət işi başa çatıb. Diyarbakır 8-ci Ağır Cəza Məhkəməsi cinayəti törədənlərə hökm oxuyub.

Milli.Az xəbər verir ki, ana Yüksel Güran, böyük qardaş Enes Güran və əmi Səlim Güran "qəsdən öldürmə" ittihamı ilə ağırlaşdırılmış ömürlük həbs cəzasına məhkum edilib.

Narinin qətli ilə bağlı yeni görüntülər : Necə gizlətdiyini göstərir - VİDEO

Digər təqsirləndirilən şəxs - qonşuları Nevzat Bəxtiyar isə "cinayət sübutlarını məhv etmək, gizlətmək və ya dəyişdirmək" ittihamı ilə 4 il 6 ay müddətinə azadlıqdan məhrum edilib.

Məhkəmənin qərar günü təqsirləndirilənlərdən son sözlər soruşulub:

Yüksel Güran (Ana): "Qızımın qatili deyiləm. Allah şahidimdir, mən ona zərər verməmişəm."
Enes Güran (Böyük Qardaş): "Mənə yönələn ittihamları qəbul etmirəm, bəraət istəyirəm."
Səlim Güran (Dayı): "O mənim canımdır, ona pislik edəcək sonuncu insan mənəm. Günahsızam, bəraət tələb edirəm."
Nevzat Bəxtiyar (Qonşu): "Narini mən öldürməmişəm, sadəcə cəsədi daşıdım. Cəzasına razıyam."

Qeyd edək ki, avqustun 21-də Diyarbakırın Tavşantəpə məhəlləsində itkin düşən Narin Güranın cəsədi sentyabrın 8-də Əgərtutmaz çayında tapılmışdı. Baş Prokurorluğun istintaqı nəticəsində 23 şübhəli saxlanılmış, 12-si, o cümlədən ailə üzvləri həbs olunmuşdu.

Nərmin
Milli.Az