Türkiyə

Ərdoğan "Sarı gəlin"i və Barış Akarsunun mahnısını oxudu - VİDEO

16 Dekabr 2024 10:12

Baxış: 521

#VİDEO #TÜRKİYƏ #RƏCƏB TAYYİB ƏRDOĞAN

Türkiyə Prezidenti Rəcəb Tayyib Ərdoğan Ərzurum şəhərinə səfəri çərçivəsində "Gənclərlə Görüş" proqramında iştirak edib. "Bilim Ərzurum" mərkəzində keçirilən tədbirə çox sayda gənc qatılaraq Ərdoğanla bir araya gəlmək fürsəti əldə edib.

Milli.Az xəbər verir ki, tədbirdə məşhur müğənni Fərhat Göçer də səhnəyə çıxıb. Müğənni çıxışı zamanı "Sarı Gəlin" türküsünü səsləndirib. Bu zaman Rəcəb Tayyib Ərdoğan da Göçerə qoşularaq türkü oxuyub. Həmin anlar iştirakçılar tərəfindən maraqla qarşılanıb və sosial mediada böyük əks-səda doğurub.

Ərdoğan bununla kifayətlənməyərək mərhum türk rok müğənnisi Barış Akarsunun məşhur "Islak Islak" mahnısını da ifa edib. Gənclərlə söhbət edən Ərdoğan proqram boyunca gənclərin suallarını cavablandırıb və onlara gələcək hədəflərlə bağlı tövsiyələrini çatdırıb.

İslam
Milli.Az