Türkiyə

Türkiyənin İrana elektrik avadanlıqları ixracı 156 milyon dolları ötüb

18 Yanvar 2024 15:30

Baxış: 490

#TÜRKİYƏ

Türkiyə 2023-cü ilin yanvar-dekabr aylarında İrana elektrik avadanlıqları ixracını 2022-ci ilin eyni dövrü ilə müqayisədə 14,9 faiz azaldaraq 156 milyon dollara çatdırıb.

Milli.Az xəbər verir ki, bu barədə TurkicWorld-ə Türkiyə Ticarət Nazirliyindən məlumat verilib.

2023-cü ilin dekabr ayında Türkiyə İrana elektrik avadanlıqları ixracatını 2022-ci ilin eyni ayı ilə müqayisədə 43,2 faiz azaldaraq 9,6 milyon dollara çatdırıb.

Qeyd edək ki, 2023-cü ilin yanvar-dekabr aylarında Türkiyənin elektrik avadanlıqları ixracı 2022-ci ilin eyni dövrü ilə müqayisədə 7 faiz artaraq, 16,2 milyard dollara çatıb.

Bu ilin dekabr ayında Türkiyə 1,4 milyard dollar məbləğində elektrik avadanlıqları ixrac edib ki, bu da 2022-ci ilin dekabr ayı ilə müqayisədə 2,1 faiz azdır.

Qeyd olunub ki, son 12 ay ərzində (dekabr 2022-dekabr 2023) Türkiyə 16,2 milyard dollar məbləğində elektrik avadanlıqları ixrac edib.

Milli.Az