Türkiyə

Türkiyə-Ermənistan sərhədi üçüncü ölkə vətəndaşları üçün açılacaq

24 Mart 2023 18:58

Baxış: 1 278

VTB-də minimal faiz dərəcəsi ilə nağd kredit 10.49%-dən

#TÜRKİYƏ #ERMƏNİSTAN

Ermənistan və Türkiyə 2023-cü ilin turizm mövsümünün əvvəlinə qədər üçüncü ölkə vətəndaşları və diplomatik pasportu olan şəxslər üçün sərhədin açılması barədə razılığa gəlib.

Milli.Az APA-ya istinadən bildirir ki, bu barədə Ermənistan xarici işlər naziri Ararat Mirzoyan Parlamentin Xarici Əlaqələr Komitəsinin iclasında bildirib və əlavə edib ki, İrəvan bu istiqamətdə fəal işləyir.

Hökumətin planının icrasının gedişi və nəticələri barədə hesabatı təqdim edən nazir bildirib ki, Ermənistanla Türkiyə arasında münasibətlərin normallaşması prosesi 2022-ci ildə də davam edib.

Mirzoyan xatırladıb ki, fevralın 15-də zəlzələ nəticəsində çoxsaylı insan tələfatı ilə bağlı başsağlığı vermək üçün Türkiyəyə işgüzar səfərə gedib.

"Biz Türkiyənin xarici işlər naziri ilə builki turizm mövsümünün açılışına qədər üçüncü ölkə vətəndaşları və diplomatik pasportu olan şəxslər üçün Ermənistan-Türkiyə sərhədini açmağa hazır olduğumuzu bir daha təsdiqləmişik", - Mirzoyan bildirib.

Milli.Az