Dünya

Pakistanda nazir silahlı şəxslər tərəfindən qaçırıldı

23 Sentyabr 2026 12:09

Baxış: 359

VTB-də minimal faiz dərəcəsi ilə nağd kredit 9.9%-dən

Pakistanda Xeybər-Paxtunxva əyalətinin ictimai işlər və kommunikasiya naziri Fəzəl Şakur Xan naməlum silahlı şəxslər tərəfindən qaçırılıb.

Milli.Az xəbər verir ki, bu barədə "Dawn" nəşri məlumat yayıb.

Bildirilir ki, hadisə Peşəvərdə, M-1 ödənişli avtomagistralının nəzarət-buraxılış məntəqəsinin yaxınlığında baş verib.

Məlumata görə, günorta saatlarında mülki geyimdə olan silahlı şəxslər nazirin avtomobilinin qarşısını kəsib və nəqliyyat vasitəsinin təkərlərinə atəş açıblar. Daha sonra onlar Fəzəl Şakur Xanı zorla avtomobildən çıxararaq naməlum istiqamətə aparıblar.

Polis hadisə ilə bağlı araşdırmaya başlayıb. Hazırda insidentin təfərrüatları və nazirin qaçırılmasında əli olan şəxslərin kimliyi müəyyənləşdirilir.

Müəllif: Malik Məlikov (Milli.Az redaktor)