İdman

Cüdoçularımızdan "Böyük dəbilqə"də daha 2 medal

6 Noyabr 2021 19:49
0 Şərh     Baxış: 532
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Heydər Əliyev adına İdman Sarayında keçirilən Bakı "Böyük dəbilqə" beynəlxalq turniri davam edir.

Milli.Az apasport.az-a istinadən bildirir ki,  yarışın ikinci günündə Azərbaycan cüdoçuları daha 2 medal qazanıblar.

Əvvəlcə Hidayət Heydərov bürünc medal görüşünə çıxıb. 73 kq çəkidə çıxış edən idmançımızın rəqibi almaniyalı Lukas Vennekold olub. Qarşılaşmanın əsas vaxtında hesab açılmayıb. Qızıl xal bölümündə vazari ilə qalib gələn Hidayət Heydərov 3-cü yeri tutub.

81 kq çəki dərəcəsində mübarizə aparan Elcan Hacıyev də eyni uğuru təkrarlayaraq, bürünc medala sahib olub. Cüdoçumuz üçüncü yer uğrunda görüşdə komanda yoldaşı Hasil Cəfərovu məğlub edib.

Qeyd edək ki, hazırda Azərbaycan millisinin aktivində 1 qızıl, 1 gümüş və 3 bürünc medal var. Mötəbər yarışın ilk günü Orxan Səfərov (66 kq) qızıl, İçinxorlu Munxtsedev (57 kq) gümüş, Rövşən Əliyev (60 kq) isə bürünc medala sahib olub.

Nüfuzlu yarışda ümumilikdə 29 ölkədən 196 cüdoçu (129 kişi, 67 qadın) mübarizə aparır. Azərbaycan millisi bu turnirdə 33 cüdoçu (25 kişi, 8 qadın) ilə təmsil olunur.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.