İdman

Supervarlıların daha da varlanmaq istəyi...

19 Aprel 2021 17:49
Baxış: 792
VTB-də minimal faiz dərəcəsi ilə nağd kredit 10.49%-dən

"La Liqa qətiyyətlə ölkələrdə və Avropada futbolun inkişafını dəstəkləyən ədalətli rəqabət və idman müvəffəqiyyəti prinsiplərini pozan, Avropa Superliqasının yaradılması haqda yayımlanan bəyanata qarşı çıxır.

Milli.Az qol.az-a istinadən xəbər verir ki, bildirilib ki, La Liqa Avropa futbol ənənəsini hər kəs üçün qoruyur: "12 Avropa klubunun təklif etdiyi bir konsepsiya Avropa futbolunun zirvəsinə gedən yolun qapısını bağlayaraq, elitanın yalnız kiçik bir hissəsinin ora daxil olmasına imkan yaradır və xəyalları pozur.

90 illik ləyaqət və nailiyyəti olan açıq turnir tariximizlə fəxr edirik. Dünyadakı milyonlarla azarkeş bu turniri izləyir".

La Liqa bildirir ki, Avropa Superliqası supervarlıları daha da zənginləşdirmək üçün hazırlanmış eqoist təklifdən başqa bir şey deyil: "Bu, bütün oyunun cəlbediciliyini pozacaq və La Liqanın, üzv klublarının bu günü və gələcəyi üçün dərin dağıdıcı təsir göstərəcək. Həmçinin bu, La Liqanın cari mövsüm İspaniya höküməti və Futbol Federasiyası ilə razılaşaraq yatırdığı 126 milyon avroluq planlar üçün də təhdiddir".

Qeyd edək ki, İspaniya klublarından "Real", "Barselona" və "Atletiko"  Avropa  Superliqasına qatıldıqlarını rəsmi elan ediblər.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.