İdman

Taekvondoçumuz AÇ-də bürünc medal qazandı

9 Aprel 2021 13:24

Baxış: 1 062

VTB-də minimal faiz dərəcəsi ilə nağd kredit 10.49%-dən

#İDMAN #TAEKVONDO

Bolqarıstanın paytaxtı Sofiyada taekvondo üzrə böyüklər arasında Avropa çempionatına start verilib.

Milli.Az qafqazinfo-ya istinadən xəbər verir ki, yarışın ilk günü Azərbaycan millisi üçün uğurlu alınıb.

Bu gün dörd taekvondoçumuz dayanq üzərinə çıxıb. Qadınlar arasında 46 kq çəki dərəcəsində mübarizəyə qatılan Minayə Əkbərova Almaniyanı təmsil edən Özlem Gürüzü (17:8) və bolqarıstanlı Qabriela Katsarovanı (qızıl xal) yarışdan kənarlaşdıraraq yarımfinala adlayıb. Minayə bu mərhələdə rusiyalı rəqibi Larisa Medvedevaya uduzaraq bürünc medalla kifayətlənib.

Digər qadın taekvondoçumuz Patimat Abakarova (49 kq) ilk rəqibi italiyalı Martina Qorellini (12:6) məğlub edib. Lakin o, növbəti döyüşündə rumıniyalı Liana Musteataya məğlub olub.

Pərviz İsgəndərov (58 kq) ilk qarşılaşmadan məğlub ayrılaraq yarışı erkən tərk edib.

Milli.Az