Bu qış dəbdə olacaq baş geyimləri

Dizaynerlər 2025-2026-cı illərin qış mövsümündə bir neçə növ baş geyimini əsas trendlər sırasına daxil edirlər.

Milli.Az xəbər verir ki, dünyaca məşhur brendlər artıq yenilənmiş modelləri təqdim edib və stilistlər bu tendensiyaları gündəlik geyim tərzi ilə uyğunlaşdırmağı məsləhət görür.

Kapor mövsümün əsas sevimlisidir

Retro estetikasından geri dönən kaporlar qışın ən diqqətçəkən aksesuarlarından birinə çevrilir. Aparıcı moda evləri öz versiyalarını təqdim edib və kütləvi bazarda da sadə və sərfəli modellər mövcuddur. Kapor həm funksionaldır, həm də dəblidir. Ona görə də həm şişkin gödəkçələrlə, həm də palto ilə uyğundur.

Bini şapkalar və isti beysbol papaqları

Ənənəvi bini şapkalar öz mövqeyini itirmir. Kaşmir, yun və hətta pomponlu və ya naxışlı modellər hələ də trenddədir.

Yundan, kaşmirdən və ya kürkdən hazırlanan isti beysbol papaqları da ön plandadır. Onlar rahat uyğunlaşır və obrazlara idman üslubu qatır.

Pananlar və bucket tipli şapkalar

Qış üçün nəzərdə tutulmuş panamalar, yəni toxunmuş və ya kürklü variantlar bir neçə ildir ki, populyarlığın zirvəsindədir. Onların davamı olan bucket tipli şapkalar da bir çox brendin kolleksiyalarında yer alır. Bu, həm orijinallıq, həm rahatlıq axtaranlar üçün yaxşı seçimdir.

Tablet şapka və kepi

Zərif görünüşlü tablet şapka keçən mövsümdən bu yana dəbdən düşməyib. Uzun paltolar və strukturlaşdırılmış jaketlərlə mükəmməl görünür. Kepilər isə ayrıca trend təşkil edir. Qadınsayağı sadə modellərdən tutmuş daha iri və küt formalaradək fərqli variantlar təqdim olunur.

Lentlər, çəpiklər və kürklü qulaqcıqlar

Geniş lentlər yenidən dəbə qayıdıb. Xüsusilə toxunmuş və ya kürklü modellər ön plandadır. Çəpik tipli baş geyimləri isə daha cəsarətli trenddir. Hər kəsə uyğun olmasa da, fashion influencerlər arasında sürətlə populyarlıq qazanır.

Kürklü qulaqcıqlar demək olar ki, bütün lüks brendlərin kolleksiyalarında var. Bu, ən fotogenik, lakin elə də isti olmayan aksesuar hesab olunur. Səyahət və stil tərzində qış obrazları üçün idealdır.

Həcmli beretlir və kürklü şapkalar

Həcmli beretlir yaradıcı estetikanı sevənlər üçün uyğundur. Hər zaman praktiki olmasa da, dəbli görünüş üçün böyük potensiala malikdir.

Son trend isə kürklü şapkalardır. Bu, vaxtilə analarımızın da geyindiyi aksesuar idi. Bəziləri bunu ikimənalı qəbul etsə də, bu mövsüm Chanel brendi də onları kolleksiyasına daxil edib. Deməli, trend geniş yayılacaq. /Lent.az

Milli.Az