İdman

"Bəlkə də futbolçular oyuna koronaviruslu çıxmışdılar" - Şenol Günəş

3 Aprel 2021 17:18

Baxış: 855

VTB-də minimal faiz dərəcəsi ilə nağd kredit 10.49%-dən

#FUTBOL

Türkiyə millisinin baş məşqçisi Şenol Günəş yığmada çox sayda futbolçunun koronavirusa yoluxmasından danışıb.

Milli.Az qol.az-a istinadən xəbər verir ki, jurnalistlərlə onlayn mətbuat konfrans keçirən 68 yaşlı mütəxəssis deyib:

"Ümumilikdə 6 dəfə koronavirus testindən keçdik. Futbolçulardan Latviya ilə matçdan əvvəl götürülən test nümunələri cavabları da neqativ çıxdı. Amma bəzi futbolçularda oyundan sonra götürülən test nümunələrinin cavabları pozitiv oldu. Bəlkə də matç vaxtı oyunçu koronavirus daşıyıcısı idi. Vida məsələsində olduğu kimi. Matçdan əvvəl test nümunələrinin cavabları neqativ olan futbolçularda oyundan sonra koronavirus aşkarlandı. Bütün şübhələrə son qoymaq üçün İspaniyada da testdən keçmişdik. Amma matçdan sonra Taylan Antalyalı, Emre Kılınç kimi bir çox oyunçunun koronavirusa yoluxduğunu öyrəndik. Ən başda İrfan Can Kahveci, Nazim və Zeki Çelikin koronavirus testlərinin nəticəsi müsbət olmuşdu. Bu üç futbolçu eyni qrupda idi. Cenk Tosuna gəldikdə isə, Latviya ilə oyundan əvvəl danışdıq. Matçda meydanda olmaq istədiyini dedi. Mən də onu oynatmağı planlaşdırırdım. Amma söhbətimizdən 2 saat sonra koronavirusa yoluxduğu məlum oldu. Ümilikdə komandadakı futbolçulardan cəmi birinə - Ozan Kabaka vaksin vurulmuşdu".

Milli.Az