İdman

Noyer ilin futbolçusu seçildi

10 Yanvar 2021 18:59
Baxış: 429

Almaniyada 2020-ci ilin ən yaxşı futbolçusunun adı açıqlanıb.

Qol.az Almaniya Futbol İttifaqının rəsmi saytına istinadən xəbər verir ki, qalib "Bavariya"nın qapıçısı Manuel Noyer olub.

34 yaşlı qolkiper 2020-ci ildə Münhen təmsilçisinin heyətində mümkün bütün mükfatları- Çempionlar Liqasını, UEFA Superkubokunu, Almaniya kubokunu, Bundesliqanı qazanıb.

Bundan əvvəl Noyer Beynəlxalq Futbol Tarixi və Statistikaları Federasiyası  tərəfindən ilin qapıçısı seçilmişdi. O, Çempionlar Liqasında da ən çox seyv edən qolkiper olub. Həmçinin futbolçu, milli komandanın azarkeşləri tərəfindən də ilin ən yaxşı oyunçusu seçilib.

Qeyd edək ki, Noyer 2011-ci ildən "Bavariya"da çıxış edir. O, 2009-cu ildən Almaniya millisinin üzvüdür.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.