İdman

Roberto Karlos və gənc azərbaycanlı futbolçular - Onlayn dünya çempionatının püşkü atılıb

30 Noyabr 2020 19:39

Baxış: 1 061

VTB-də minimal faiz dərəcəsi ilə nağd kredit 9.9%-dən

Gənc azərbaycanlı futbolçuların iştirak etdiyi "Dostluq üçün futbol" onlayn dünya çempionatının püşkatma mərasimi keçirilib.

Təşkilatçıların Milli.Az-a verdiyi məlumata görə, "Qazprom" şirkətinin beynəlxalq uşaq sosial proqramı çərçivəsində keçirilən turnirdə 32 komanda iştirak edəcək.

Püşkatmaya əsasən azərbaycanlı futbolçulardan Mikayıl Abdullayev "Cənubi Amerika harpiya qartalı", Ələmdar Əhmədov "Çay delfini", İsmayıl Vəliyev isə "Odlu salamandr" komandalarının heyətində mübarizə aparacaqlar. Uşaqlar Fransa, Uqanda, Tanzaniya, Cənubi Koreya, Rumıniyadan olan iştirakçılarla birgə qarışıq komandalarda çıxış edəcək.

Ümumilikdə dünya çempionatında 100-dən çox ölkə iştirak edəcək. Çempionatın finalı dekabrın 9-da baş tutacaq. Yarışın qaliblərinə 2021-ci il UEFA Çempionlar Liqasının İstanbulda keçiriləcək finalına biletlər təqdim olunacaq.

Canlı yayımlanan püşkatma mərasiminin xüsusi qonağı braziliyalı futbol ulduzu, Braziliya milli komandasının və "Real Madrid" klubunun sabiq futbolçusu Roberto Karlos olub.

Milli.Az